Читать бесплатно онлайн книгу автора  Песьня I. Удава

Багушэвіч Францішак

Шуміць з горкі ручаёчак,

Брызгі раскідае, –

Плача ўдава серад ночак,

Вочкі выцірае.

 

Ой, маркотная, ліхая

Доля сірот-дзетак!

Але горшая ўдавая,

Як тых малалетак.

 

Ой, зазнаюць гора, ліха,

Прытыкі і зьдзекаў;

Будуць плакаць гэтак ціха,

Плакаць павек-векаў.

 

Павек-векаў ручаёчак

Брызгі раскідае, –

Павек ўдоўка серад ночак

Вочкі выцірае!