Читать бесплатно онлайн книгу автора  Маладыя гады

Багдановіч Максім

Маладыя гады,

Маладыя жаданьня!

Ні жуды, ні нуды,

Толькі шчасьце каханьня.

Помніш толькі красу,

Мілы тварык дзявочы,

Залатую касу,

Сіняватыя вочы.

Цёмны сад – вінаград,

Цьвет бяленькі вішнёвы, –

I вагністы пагляд,

I гарачыя словы.

Будзь жа, век малады,

Поўны сьветлымі днямі!

Пралятайце, гады,

Залатымі вагнямі!

1915-1916