Читать бесплатно онлайн книгу автора  Қатыны мен Масақбай

Абай Құнанбайұлы

     Сырмақ қып астына

Байның тоқымын,

Отының басына

Төрінің қоқымын

Бүксітіп,

Бықсытып,

Қоқсытып келтірді.

Осының бәрімен

Көңілінде міні жоқ,

Жүзінің нәрі мен

Бойының сыны жоқ.

Бүкшиіп,

Сексиіп,

Түксиіп өлтірді.

Күлкі боп көргенге,

Құрбыға қадірсіз.

Ас қылып бергенге

Шыдамас, сабырсыз.

Келді, ойбай,

Салды айғай,

Түк қоймай боқтады.

Сөзінің жөні жоқ,

Ақылсыз томырық,

Қатынның күні жоқ

Қамшы мен жұдырық.

Барқылдап,

Тарқылдап,

Салпылдап тоқтады.