Читать бесплатно онлайн книгу  Сон свой скінуў пан вясёлы

автор Чачот Ян

Ян Чачот

Сон свой скінуў пан вясёлы

1

Сон свой скінуў пан вясёлы -

Красавік, ідзе праз сёлы

Абуджаць лясы і долы.

Алілуя, алілуя, алілуя.

2

Тут сябры ўсёй грамадою

Во сышліся пад гарою

Піць ды есці талакою.

Алілуя, алілуя, алілуя.

3

Але ўсё ж дарма іх лаюць,

Бы яны адно і знаюць,

Што лайдачаць ды гуляюць.

Алілуя, алілуя, алілуя.

4

Не, з іх кожны - працавіты,

Да людзей душой адкрыты,

Годны продкаў, самавіты.

Алілуя, алілуя, алілуя.

5

Шмат вучыцца ў іх ахвоты.

Пішуць штоквартал работы

І даюць штомесяц - злоты1!

Алілуя, алілуя, алілуя.

6

Край свой - клопат іх адзіны,

Мара іх - ва ўсе часіны

Быць падпорай для Айчыны.

Алілуя, алілуя, алілуя.

7

Прыйдзе час, і ў промнях рання

З філарэцкага яднання

Продак наш - сармат - устане.

Алілуя, алілуя, алілуя.

8

Блісне тут жазло сармата,

Клікне край ён да булата -

Знойдзе ўсіх за здзек расплата.

Алілуя, алілуя, алілуя.

9

Не змагчы, сябры, нас ліху!

Адпачнём цяпер хоць крыху,

Малако п'ючы паціху2.

Алілуя, алілуя, алілуя.