Axırıncı sofistdən İsgəndər soruşdu ki, insan nə vaxta qədər yaşamalıdır, o da cavab verdi ki, ölməyinin yaşamağından üstün olduğunu görənə kimi yaşamaq lazımdır.
“Bir müdrik ki, özüyçün müdrik deyil, iyrəncdir mənə.”
Filipp görürdü ki, İsgəndər təbiətən inadkardır, hirslənəndə isə heç bir zorakılığa görə geri çəkilmir, amma ağıllı sözlə onu asanlıqla döndərmək olur. Buna görə atası əmr verməkdən daha, çox onu inandırmağa çalışırdı.
İsgəndər Kirin qəbirüstü yazılarını oxuyub onun yunanca tərcümə edilməsini əmr etdi. Orada belə yazılmışdı: “Ey insan, sən kim olsan da, hardan gəlsən də, mən bilirəm ki, sən bura gələcəksən, mən Kirəm, pars dövlətinin yaradıcısı. Gəl məni bədənimi örtən bir ovuc torpaqdan da məhrum etmə”.
O dedi ki, Filippin qələbəsinin və ucalmasının yeganə səbəbi yunanlar arasındakı ixtilafdır və özünün haqlı olmasının sübutu kimi aşağıdakı misranı söylədi: “Araya ədavət düşəndə əclaf çatır şərəfə.”
Birincini hədsiz sevib, ikinciyə isə dərindən hörmət bəsləyərək İsgəndər tez-tez deyərdi ki, Hefestion İsgəndərin dostudur, Krater isə şahın.
İsgəndər onlardan soruşdu ki, suyu kimin üçün aparırlar. Makedoniyalılar belə cavab verdilər: “Oğlanlarımız üçün aparırıq, amma əgər sən yaşasan, biz bu oğullarımızı itirsək də, eybi yoxdur, başqa oğullarımız doğular”. Bu sözləri eşidib İsgəndər dəbilqəni aldı, amma ətrafına boylanıb görəndə ki onu əhatə edən bütün atlılar suya baxırlar, o, bir qurtum da içmədən dəbilqəni geri qaytardı. Ona su gətirənlərə təşəkkür edib dedi: “Mən suyu tək içsəm, onlar ruhdan düşər”.
Məhz bu döyüşdə makedoniyalılardan çoxlu ölən və yaralanan oldu, belə ki, onlar cəngavər və xilas olmaq istəyən adamlarla vuruşurdular.
Nəhayət, dövlətin bütün əmlakı paylanıb dağıdıldıqdan sonra Perdikka ondan soruşdu: “Hökmdar, bəs özünə nə qaldı?” İsgəndər cavab verdi: “Ümidlər”. “Belə olduqda, – Perdikka söylədi, – səninlə birlikdə yola çıxdığımız üçün bizim də orda payımız var”. Perdikka onunçün ayrılmış əmlakdan imtina etdi və İsgəndərin bir neçə başqa dostu da onun kimi elədi.
“Əgər mən İsgəndər olmasaydım, Diagen olmaq istərdim”.
