Читать бесплатно онлайн книгу  Нелло мен Патраш

автор Мария Луиза де ла Раме

ӘОЖ 821.111

КБЖ 84 (4Вел)

У35

Аударған: Ғ. Себепов

Мария Луиза де ла Раме (Уида)

У35 Нелло мен Патраш. – Алматы: «Самға» баспасы, 2025. – 56 бет.

ISBN 978-601-82119-5-9

«Нелло мен Патраш» – бұл әңгіме Нелло есімді жетім бала мен оның адал иті Патраштың достығы туралы баяндайды. Олар кедейлік пен өмірдің қиындықтарына қарамастан, бірге жүріп, өзара қолдау көрсетеді. Бұл жүрек тебірентерлік шығарма достық, адалдық және күреске толы өмір туралы сыр шертеді.

Кітап барша оқырман қауымға арналады!

ӘОЖ 821.111

КБЖ 84 (4Вел)

ISBN 978-601-82119-5-9

© «Самға» баспасы, 2025

I

Достар

Нелло деген бала және Патраш деген үлкен ит риясыз дос болды. Бұл екеуі өздерінің барлық өмірін бірге өткізді. Бұлардың бірі – жетім, бірі – бұралқы ит еді және бұл екеуін асыраған да бір мейірімді кісі еді. Содан былай қарай бұлар дос болып, бірін-бірі қатты сүйетін боп кетті.

Бұлар Антверпен қаласында шағын бір ауылда тұрды. Деревняның айналасы созылып жатқан құр ғана шабындық, бұларды қақ жарып өткен үлкен канал, оның қасында тал менен терек отырғызылған, алыстан Антверпен шіркеуінің мұнарасы көрінеді; ал күн тынық күндері оның күңгірлеп соққан үні де естіледі. Деревняда сыртын ақ сылақпен сылаған, төбесін лаймен жапқан жиырма шақты ғана үй бар; терезелердің қақпағының бірі жасыл, бірі көкке боялған болатын.

Деревняның қақ ортасындағы көкшіл мұнартқан төбенің басында жел диірмені бар, диірменнің бір кездегі қызыл бояуын күн жалап, жел қағып, ақшыл тартып өңі кете бастаған. Диірменнің қанаты бірдей айналмайды: қарттықтың әсерінен жаңа тұла бойын жел ұстаған адамның әлсін-әлсін сүрінгені тәрізді.

Нелло мен Патраш деревняның шетіндегі бір бөлмелі ғана аса кедей қарттың лашығын мекен етіп тұрды. Бұл қарттың аты – Жан Даас, ол бір кездерде әскерде болған, сол жақта ауыр жарақаттанып, үйіне жарымжан болып қайтқан. Даастың жасы сексеннен асқан кезде, алыстағы тау жақта тұратын жалғыз қызы өліп, оның екі жастағы жетім баласы қарттың қолында қалды. Нелло қарттың соңынан қалмайды, қарт атасы да жиенін жақсы көретін. Сөйтіп олар жұпыны лашықта күйбеңдеп күнелте берді.

Бұлардың үйінің сырты көріксіз болса да, іші мұнтаздай ағартылған таза болатын. Үйдің жанында кішкене бақшасы да бар, бақшада бұршақ, капуста, асқабақ өседі. Жан Даас пен Нелло көбіне ас, тіптен тамақ ішпестен жатқан күндері де көп болады: тоя тамақ ішкен күні болған емес. Сонда да қарт немересіне аса кішіпейілділікпен қарайтын, оны жақсы көретін. Неллоның өзі де сүйкімді, тілалғыш бала. Бұлар барға қанағат қылады. Жалғыз-ақ ойлайтыны бізбен бірге Патраш болса болғаны деп тілейді. Олар Патр