Читать бесплатно онлайн книгу автора  Не глядзі з дакорам дарагая

Кляшторны Тодар

Тодар Кляшторны

Не глядзі з дакорам дарагая ...

* * *

Не глядзі з дакорам, дарагая, 

Не глядзі,

Не будзі загубленага маю, 

Не будзі...

Не адна ты сэрца хвалявала, 

Не адна,

Пі юнацтва палкія бакалы, 

Пі да дна...

Як астудзяць першыя марозы

Кроў,

Не дагонім бэзавыя крозы

Зноў...

Выпівай жа палкія бакалы, 

Пі да дна,

Не адна ты сэрца хвалявала, 

Не адна.

1927 г.