Читать бесплатно онлайн книгу  О вясна

автор Маракоў Валеры

Валеры Маракоў

О вясна

О вясна

I бяссонныя ночы!..

Сцiх у сэрцы

Юнацтва разгул,

Мо таму, што нiчога не хочу

I нiкога спаткаць не магу.

Не чаруй,

О, даволi, не трэба!

Я iнакшую долю спазнаў,

Што ў другiх

У змаганнi за хлебам

Адцвiтае жыццё i вясна.

Што другiм,

Хто у цемры асенняй

Аддаю сваё цела й душу,

Досыць толькi

Не стаць на каленi,

Досыць толькi

Узняць смелы шум.

I тады

Там, дзе грызлiся зверы,

Нельга будзе душою хварэць,

Бо ў жыццi,

Калi ў што-небудзь верыш,

Ты йшчэ можаш

Цвiсцi i гарэць.