Çünki mən – birinciyəm, mən də elə sonuncuyam.

Mən – hörmət olunan və nifrət edilənəm.

Mən – sərgərdan və müqəddəsəm.

Mən – qadın və bakirəyəm.

Mən – ana və qızam.

Mən – anamın əlləriyəm.

Mən – sonsuzam, amma uşaqlarım saysız-hesabsızdır.

Mən – nikahda xoşbəxtəm və ərdə deyiləm.

Mən – həm dünyaya gətirən, həm də əbədiyyətəcən

nəsil verməyəcək kəsəm.

Mən – doğuş əzablarını yüngülləşdirirəm.

Mən – ər və arvadam.

Ərimi doğan da mənəm.

Mən – atamın anasıyam.

Mən – ərimin bacısıyam.

Mənə əbədi səcdə eləyin.

Çünki mən – pisəxlaqlı və genişqəlbliyəm.

Haq–Həmmadidə tapılmış

Mizidaya himn, b.e.ə. III, yaxud IV əsr.