Бұл істе сауатты, көзі ашық азаматтардың да мүлт кетіп жататыны бар. Тән тазалығы мен жан тазалығын екі тізгін бір шылбыр етіп қатар ұстай алмағандықтан, оқыған, зиялы жандардың өзі тәкаппарлық, өркөкіректік секілді адамгершілікке жат қылықтарға бой алдырып жатады. Мәдениетті деген адамдардың өзі күншілдік пен қызғаныштан, өтірік пен өсектен, ғайбат пен жаладан құлан таза айыға алмауы мүмкін. Демек, тазалықты сыртқы әдемілік деп түсіну қате. Ең маңыздысы – жан мен тән тазалығын бір арнада тоғыстыра білу. Ішкен асың мен тапқан табысыңның ақ адал маңдай термен келуін қамтамасыз ету – Исламдағы тазалықтың артықшылығы болып табылады.
Жан мен тән тазалығы
·
Құдайберді Бағашар
