Ашу-ыза мен жаман мінездің оянуы көп ашуланатын адамдармен араласудан туындайды. Тіпті мұны мықтылық, беріктік деп атайды да, онымен мақтанады. «Пәленше бір сөзбен пәленшені өлтіреді, билігі мен дүние-мүлкін алады дейді. Себебі оған қарсы сөз айтуға ешкімнің шамасы жетпейді. Себебі ол – мықтылардың мықтысы. Еркек деген сондай болады» дейді. Тыныш тұрған адамды төмен, қолдаусыз, қорқақ адам деп санайды.
Осылайша иттің сипаты болған ашу-ызаға батылдық және еркектік деген ат тағады. Пайғамбарлардың мінезі болған жұмсақ адамдарды қолдаусыз, батыл емес адам дейді. Міне, шайтанның ісі осы, алдау мен жамандықты жақсы мінез етіп көрсетеді. Әдемі сөздермен жаман мінезге шақырады. Ал ақылды адамдар бұлай ашулану мықтылық және еркектік болса, әйелдер, балалар, қарттар мен аурулар ашуға көп берілмейтінін біледі. Бірақ олардың ашуы жиі кездесетінін бәрі біледі. Бәлкім, ешкім өз ашуына ие бола алмайтын шығар. Өз ашуына ие болу – Пайғамбарлардың (а.с.) және әулиелердің сипаты. Қалғандары – хайуандар мен жыртқыштарға жақындардың сипаты. Олай болса назар салыңдар! Ұлылық қайда? Пайғамбарларға ұқсауда ма әлде ғапыл ақылсыздарға ұқсауда ма?
